Шпанскиот амбасадор во Македонија, Рафаел Сориано Ортиз, денеска на социјалната мрежа „Икс“ изрази восхит од однесувањето на премиерот Христијан Мицкоски, кој утринава на скопскиот аеродром ги поминал сите редовни формалности како и секој друг патник, без користење на било какви привилегии.
Ортиз, кој во тој момент чекал во редот за туристичко пријавување на лет кон Истанбул, сведочел дека премиерот дисциплинирано ја следел стандардната процедура – чекал во ред за чекирање, поминал низ безбедносната контрола и ги почитувал сите предвидени процедури, исто како и останатите патници.
„Утрово фатив лет за Истанбул. Во редот за туристичко пријавување го сретнав премиерот Христијан Мицкоски кој ги помина формалностите, вклучително и соодветните контроли, како и секој друг патник. Пример за едноставност и нормалност. Браво!“, напиша амбасадорот.
Утрово фатив лет за Истанбул. Во редот за туристичко пријавување го сретнав премиерот🇲🇰 @MickoskiHM кој ги помина формалностите, вклучително и соодветните контроли, како и секој друг патник. Пример за едноставност и нормалност. Браво! @TimcoMucunski @VladaMK @NMvesti @MIA_NEWS
— Rafael Soriano Ortiz (@RafaSorianoO) February 28, 2025
