Министерката за финансии, Гордана Димитриеска-Кочоска, денеска во Собранието одговори на прашањата поставени од пратеничката на СДСМ, Славјанка Петровска, при што нејзиниот коментар предизвика реакции.
Петровска постави три прашања, од кои второто беше насочено кон министерката.
„Пратеничке Славјанка Петровска, не можам да ве наречам почитувана, бидејќи почит треба да се заслужи. Врз основа на што вие зборувате за мајки што имаат деца и како знаете колку троши едно повеќечлено семејство? Јас сум мајка на два сина и добро знам колку средства се потребни за четиричлено семејство. Освен тоа, во пописот што го спроведовте, просечното семејство е тричлено, а не четиричлено“, изјави министерката.
