Премиерот Христијан Мицкоски од собраниската говорница одговараше на пратенички прашања, а притоа го кажа своето мислење за ситуацијата во Украина.
„Гледам дека светот постојано зборува за мир во Украина. Ако навистина сакаме мир, тогаш треба да се работи на негово постигнување. Како се постигнува тоа? Преку дијалог и преговори. Војната, жртвите, страдањето и раселените лица не водат кон мир. Токму тоа е целта на резолуцијата на САД – да се постигне траен и одржлив мир, нешто што го посакува цела Европа“, кажа Мицкоски.
Мицкоски посочи дека на крајот сите ќе имаат иста резолуција и ќе ја поддржат.
„Досега се одржаа средби, прво во Ријад, потоа во Вашингтон. На крајот повторно ќе имаме иста резолуција што ќе ја поддржат сите, а ние сме ко-спонзори. Почекајте неколку месеци и ќе видите како ќе се одвиваат работите. Ако не сум во право, јас ќе се извинам. Но ако испадне како што велам, тогаш нека излезе Филипче на нова прес-конференција и нека се извини тој“, додаде Мицкоски.
