Премиерот Христијан Мицкоски истакна дека е неопходно зголемување на бројот на квалитетни кадри во јавната администрација, вклучувајќи и професионалци од албанската заедница.
Сепак, тој посочи дека денес постои предизвик да се пронајдат квалификувани луѓе, независно од нивната етничка припадност, кои би прифатиле да работат за плата од 25 илјади денари.
„Морам да ви признаам дека ние денеска во суштина имаме голем проблем да најдеме луѓе кои ќе работат во јавната администрација. Без разлика дали се Македонци, Албанци, Турци, Власи, Срби, Роми итн. Имаме отворени конкурси и молиме луѓе да се вработат, но не сакаат бидејќи имаат подобра и подобро платена работа. Еве јас би сакал сега во мојот кабинет да дојдат за таа плата што ја има, еве се Албанци да бидат. Нема, не се заинтересирани. Е сега има вработени како тие во Лотарија на македонија, најголемиот дел активисти на вашата политичка партија или блиски до вас кои сами си дадоа отказ“, кажа Мицкоски.
Видео: ТВ21
