Во скопската населба Аеродром, на уличка зад Трговскиот центар „Скопјанка“, мотоцикл удрил дете, предизвикувајќи загриженост кај жителите за безбедноста во овој дел од градот.
Информацијата првично беше споделена во фејсбук групата „Општина Аеродром – Граѓанска патрола“, каде граѓаните побараа надлежните институции итно да преземат мерки за подобрување на сообраќајната сигнализација.
Почитувани, ќе ве замолам на оваа улица позади т.ц Скопјанка која е еднонасочна, но се вози двонасочно на делот од скаличките до паркингот да се обележи пешачки премин и некој знак за пешаци. Секој дневно од тука идат и се вракаат ученици од О. У Браќа Миладиновци и е опасно за нив денес беше удрено дете од мотор а и претходно имало слични инциденти за среќа без последици како денес“, се вели во објавата на групата.
