Поранешните македонски кошаркарски репрезентативци, Едина Муса и Александар Димитровски – Мачка, добија нов член во семејството. Тие со радост го пречекаа својот син, кој ќе го носи името Максим, а веста ја објавија на социјалните мрежи.
Среќната вест доаѓа само неколку недели откако парот ја официјализираше својата врска, односно пред една недела, тие споделија емотивна фото-сесија во која Едина блескаше за време на бременоста, славејќи го овој посебен период од животот.
Ова е прво дете за Едина, додека Александар веќе има син и ќерка од претходниот брак со познатата пејачка Тамара Тодевска.
