Граѓаните не се задоволни со цените во маркетите во државава поради тоа што истите се високи за македонскиот стандард. Редакцијата на „360 степени“ реши да направи интересна анализа на цените на основните продукти во Македонија и соседните држави.
Тие направија споредба на цени на следните производи: нескафе, нутела, банани, пилешки стек, јајца, шеќер, сол, млеко 1,5%, кока-кола, брашноо и доместос.
Според нивната анализа, може да се заклучи дека најголем дел од производите се најевтини во Македонија, иако мора да признаеме дека цените сè уште се високи за џебот на потрошувачите во државава.
Во Македонија веќе неколку пати се организираше бојкот на маркетите со цел да се изврши притисок за да се намалат цените, но засега без успех.
Без разлика на тоа што дел од производите се поевтини во Македонија, сепак треба да се има во предвид дека и платите се пониски.
Извор+Видео: 360 Степени
