Граѓанската иницијатива „Кој е следен“ организира протестен марш во знак на почит кон младата Фросина Кулакова, која трагично го загуби животот во сообраќајна несреќа пред Универзална сала во Скопје. Маршот ќе започне во 16:30 часот, со почетна точка токму од местото каде што се случи трагедијата.
Росица Кулакова, сестрата на починатата Фросина, преку објава на Фејсбук порача дека нејзиното семејство ќе се приклучи на протестот, истакнувајќи дека ќе тргнат од Универзална сала – местото каде што згасна животот на Фросина.
