Семејството на трагично загинатата Фросина Кулакова, која беше прегазена додека минуваше на пешачки премин на улицата „Партизански одреди“, заедно со семејствата на други жртви на сообраќајни несреќи, денеска учествуваше во протестен марш.
Протестот беше организиран со цел да се побара правда, да се стави крај на неказнивоста и да се донесат построги закони за ваквите прекршоци, како и нивна ефективна примена.
Маршот започна на местото на несреќата, каде што животот го загуби Фросина, по што продолжи кон зградата на Владата, па кон Собранието, а заврши пред Апелацискиот суд.
Учесниците испратија јасна порака дека е неопходна итна акција за зголемување на безбедноста во сообраќајот и за построга казнена политика кон прекршителите.
„Ние сме гласот на Фросина, валкани пари-смртни последици“, пишуваше на денешниот транспарент на протестот.
