Фото: Принтскрин
Украинскиот претседател Володимир Зеленски им наредил на своите министри да не потпишуваат договор со кој би се овозможил пристап на САД до украинските резерви на ретки и вредни минерали. Според него, документот е премногу насочен кон американските интереси, без доволно гаранции за Украина.
„За мене е исклучително важна рамнотежата помеѓу какви било безбедносни гаранции и економските инвестиции“, истакна Зеленски во својата изјава.
Тој не даде конкретни детали за причините поради кои го блокирал потпишувањето, но нагласи дека секој договор мора да биде фер и да ги земе предвид украинските национални интереси.
