Поранешниот премиер Зоран Заев категорично ги демантираше наводите изнесени од Никола Груевски, кој од Будимпешта, преку социјалните мрежи, тврдеше дека Заев започнал изградба на кула со 82 ката во Дубаи.
Заев во изјава за „Слободен печат“ ги оцени овие тврдења како целосно невистинити и апсурдни.
„Колку треба човек да е забеган во умот да кажува и тврди вакви глупости. Суетните само чекаат да се фатат на вакви будалаштини за да си ја залечат суетата. Заеви вработуваат преку 1000 луѓе во Македонија. Така било пред да бидам во политиката, така било додека сум бил во политиката, така е и сега после повеќе од 3 години како трајно сум заминат од политика. Не градам никаква кула во Дубаи, тоа е целосна невистина“, кажа Заев за „Слободен печат“.
