Наместо досегашната мерка за ограничување на трговската маржа на 10% за повеќе од 1.000 производи, трговците и дистрибутерите предложија до Владата алтернативно решение – формирање на список од 100 до 200 основни производи што граѓаните најчесто ги купуваат, чии цени би биле директно намалени.
Според нив, ваквиот пристап би бил поефикасен во справувањето со растечките трошоци за живот и би донел поголема корист за потрошувачите.
Трговците укажуваат дека актуелната мерка опфаќа преголем број производи, меѓу кои има и такви што не се неопходни за секојдневната потрошувачка, па сметаат дека одредени категории треба да бидат изземени од ова ограничување.
„Над 1.000 производи во секојдневната контрола е многу напорно и не може да се постигне бидејќи се случува, ги вадат картончињата затоа и имаме голем ризик фактор да дојде инспекција и да не биде обележана цената“, кажа Даница Блажевска, претставник од Комората на трговци
