Полицијата на нозе: Исчезнаа две деца од Скопје

Две малолетни деца се водат како исчезнати откако во текот на вчерашниот ден (13.02) се оддалечиле од своите згрижувачки семејства во Скопје.

Според информациите од Министерството за внатрешни работи, на 13 февруари 2025 година, во 22:10 часот, во Полициското одделение Шуто Оризари, 45-годишната Ф.Ј. од Скопје, која е нивен згрижувач, пријавила дека нејзината 14-годишна штитеничка А.М. ја напуштила нивната семејна куќа. Според нејзините наводи, девојчето и претходно повеќепати се оддалечувало од домот, но секогаш било пронаоѓано и вратено.

Во истиот ден, нешто порано, во 21:00 часот, 58-годишниот Р.Н. од Скопје, исто така згрижувач, пријавил во истото полициско одделение дека исчезнал неговиот 13-годишен штитеник Н.С. Според пријавата, детето имало здравствени проблеми, што предизвикува дополнителна загриженост за неговата безбедност.

Полицијата интензивно работи на лоцирање на малолетниците, а се преземаат сите неопходни мерки за нивно пронаоѓање.