Украинскиот претседател Володимир Зеленски, говорејќи на прес-конференција во рамките на Минхенската безбедносна конференција, изјави дека досегашните контакти со американскиот претседател Доналд Трамп „не се доволни за да се формира конкретен мировен план“.
Тој посочи дека иако сигналите од Вашингтон се „силни, но различни“, неопходни се дополнителни разговори за да се постигне поголема јасност околу идните чекори.
Зеленски повтори дека Украина останува посветена на својот пат кон членство во НАТО и дека никогаш нема да се согласи на признавање на окупираните територии како дел од Русија.
„Путин дефинитивно не е заинтересиран за мир“, нагласи Зеленски, повикувајќи се на разузнавачки податоци кои, според него, укажуваат дека Русија се подготвува за можен судир со НАТО во текот на следната година.
