Македонскиот пејач Гоце Пејковски е присутен на музичката сцена повеќе од 25 години, но зад светлата на бината се крие мрачна приказна за борба со зависноста која го довела до работ на бездната.
Човекот кој своевремено уживаше во успехот и популарноста, во еден момент изгуби сè – пари, пријатели, семејство, па дури и себе си.
Ова е суровата реалност на коцкарската зависност, демон кој не простува и не остава простор за враќање назад доколку не се препознае навреме. Падот на Пејковски беше јавен, но ретко кој се обиде да го спречи, а уште помалку луѓе ја сфатија тежината на неговата борба.
„Искоцкав повеќе од милион евра и изгубив буквално сè во животот. Не останав само без пари, туку и без луѓето што ги сакав. Пријателите ме напуштија, семејството се оддалечи. Во животот има лек за сè, но за коцката – нема,“ искрено признава Пејковски во интервју за „Бекстејџ“.
