Славе Николов, таткото на Викторија која загина кај „Сити Мол“, беше гостин во емисијата „Претрес со Ландов“ каде што зборуваше за случајот во кој неговата ќерка го загуби животот, а возачот Јордан Ѓорѓиев доби затворска казна од три години, но потоа беше зголемена на четири години.
Ѓорѓиев го призна делото, по што му беше изречена казна од три години од Кривичен суд, но скопска Апелација му ај зголеми на уште една година, но Славе вели дека очекувал повисока казна за возачот.
„Никој од семејството на Јордан не изрази жалење и не ми искажа директно сочувство. Според мои сознанија, мислам дека очувот на Јордан извршил притисок врз судството за да добие таква казна. Очигледно судијката лесно подлежела на притисоци, зашто и претходно има слични пресуди. Казната колку и да е голема, нема да е доволна, само сакав според закон да се пресуди“, вели таткото.
Таткото на Викторија посочи дека „Партизанска“ е како касапница и мора полицијата да воведе ред зашто и други лица го загубија животот на булеварот, меѓу кои е и Фросина Кулакова.
