Фото: МВР
Продолжуваат инцидентите низ скопските улици, а овој пат две средношколки биле прегазени од мотоцикл додека оделе кон училиште минатиот вторник, објави „Скопје1“.
Мајка на едно од девојчињата во разговор со „Скопје1“ раскажа што се случувало.
„Тој што го возел моторот бил зад нив и свесно не закочил, по што не им укажал помош и избегал. Девојчињата се со огромни болки. Полицијата ги пронашла момчињата и ги идентификувала. Интересно е тоа што патеката која има сообраќаен знак за велосипеди во поголем дел е единствена патека. Над неа има за пешаци која завршува како влез во зграда“, вели мајката за „Скопје1“.
Мотоциклистот ги удрил девојчињата и избегал, а потоа се вратил на местото и им кажал дека може да се договорат, односно да не повикаат полиција, по што средношколките со Брза помош биле однесени во болница.
Извор: Скопје1
