На денешната владина седница беше донесена одлука за финансиска поддршка на граѓаните од ранливите категории, со што во наредните 12 месеци ќе добиваат субвенција од 1.000 денари месечно за покривање на трошоците за електрична енергија.
Оваа мерка ја соопшти владината портпаролка Марија Митева, истакнувајќи дека целта е да се помогне на граѓаните кои се соочуваат со економски предизвици и потешкотии при покривање на основните трошоци за живот.
„Се донесе и Програмата за заштита на ранлива група на потрошувачи за 2025 година во која се предвидува лицата коишто ги исполнуваат условите коишто се предвидени со оваа програма да се стекнат со финансиска поддрша и тоа намалување на месечна сметка за потрошена електрична енергија од 1.000 денари во времетраење од 12 месеци“, кажа Митева.
