Новинарот Кристијан Ландов најави дека во новото издание на „Претрес“ ќе зборува со таткото на загинатата Викторија кај „Сити Мол.
„Во утрешниот ‘Претрес’, Славе Николов, татко на загинатата Викторија кај „Сити мол“ ќе зборува за правната голгота и казната под законскиот минимум кој ја доби возачот што на пешачки го прегази младото девојче“, објави Ландов.
Николов по пресудата на Апелација во 2022 година кажа дека не е задоволен со изречената казна.
„На ваша кожа да е, живи луѓе ќе изедете, за чужда и чедото ќе си го продадете. Ја убивте вие повеќе од убиецот! Нема правда, нема правдина, нема држава, направивте безредие, наша Вики вреди како 100 украдени ќебапчиња, толку тежи вагата на правдата во Македонија. Пуста да е таа ноќ, проклет да е тој пешачки кога Вики беше жртва, кога Вики беше убиена!“, кажа таткото по пресудата.
Во меѓувреме беше објавена и фотографија од возачот кој ја прегази Викторија, при што авторот прашува зошто не е во затвор.
