Бојан од Скопје пешачи 3.000 километри низ Нов Зеланд – со македонското знаме на грб и големо срце. Наместо да прифати лична поддршка за својот предизвик, Бојан сака да направи разлика и организира дигитална касичка каде што сите собрани средства ќе бидат донирани на кампањи за здравје, хуманост и образование за млади.
„Јас сум Бојан Мишевски, на 22 декември започнав да ја пешачам најдолгата патека по целата должина на Нов Зеланд која изнесува 3040 километри. Со мојот подвиг што го започнав, голем број луѓе се јавија за поддршка (морална, финансиска, материјална) . Поголемиот дел роднини, пријатели и познаници од Македонија и Нов Зеланд. Бидејќи веќе бев одлучен ова да го реализирам со сопствени средства, дојдов до идеја да отворам кампања преку ecrowd да може да донираат и да се помогне на тие што им е повеќе потребна таа помош. Би ве замолил сите што ме познаваат, следат и сите останати кој се во можност да донираат колку можат“, објави Бојан.
Сите хумани луѓе кои сакаат да донираат може да го направат тоа ТУКА (кликнете).
