Тодор Кулаков, таткото на прегазената 22-годишна Фросина Кулакова кај „Партизанска“, беше гостин во најновото издание на емисијата „Код“.
Во разговорот, Тодор искрено ги сподели своите чувства, а исто така ја коментираше прес-конференцијата што ја одржаа родителите на осомничениот возач, Васил Јованов и неговиот адвокат.
Според Кулаков, оваа прес-конференција ја доживува како „навреда на интелигенцијата“, особено поради начинот на кој беше претставена ситуацијата и одговорноста на виновните за трагедијата.
„Бог нека ми прости, мојата фамилија нека ми прости, јас такво сочувство не можам да прифатам бидејќи е лажно. Иако нивните намери им се нечовечни, јас само една работа можам да ги посоветувам. Молете се на Бога, признајте го делото, синот да го признае делото, да признаат мајката и таткото дека се соучесници во прикривање на криминалот, во прикривање на убиството“, вели Тодор.
