Денеска во Неготино се одржа протест за правда за Фросина, која беше прегазена на „Партизанска“ во Скопје од возачот Васил Јованов.
На протестот се обрати и сестрата на Фросина, Росица Кулакова, која од срце им се заблагодари на сите присутни за нивната поддршка и солидарност. Таа истакна дека масовното присуство на граѓаните е доказ за силната волја да се издржи во борбата за правда за Фросина.
„Коренот на сите проблеми во општеството доаѓа од судскиот систем бидејќи тој има неприкосновена обврска да покаже и да докаже дека злоделата мора да бидат соодветно казнети. По историјата на девијантното односување на Васил, по тоа што не почитувал никаков авторитет, но и самиот суд во пресудата заклучува дека изјавите му се манипулативни и има направено повеќе прекршоци претходно, него го прави исклучително опасен за нашето општество. Поради сето ова, доколку сето ова доколку судијката му го продолжила притворот до правосилноста на одлуката, а по вчерашната одлука на Апелација тој само бил спроведен во затвор, мојата сестра Фросина денеска ќе беше жива. Затоа бараме одговорност и од судијката Даниела Алексовска Стојановска и од сите кои вмешале прсти во убиството на сестра ми“, кажа Росица.
