Утринава се случи евакуација во неколку училишта во Скопје, Штип, Кочани и Куманово, по дојави за поставени бомби. Во моментот, тимови на Министерството за внатрешни работи (МВР) вршат детални проверки на сите образовни институции каде што се примени вакви дојави.
Во Скопје евакуирани беа основните училишта како „Лазо Ангеловски“, „Александар Македонски“ и „Димо Хаџи Димов“, додека во Куманово дојавата за бомба ја примило и основното училиште „Магдалена Антова“.
Како што информираат од МВР, на 7 февруари 2025 година на службените мејлови на неколку училишта во Скопје и во други градови беа испратени дојави за експлозивни направи, кои се во тек на проверка. За повеќе информации ќе бидат објавени детали во текот на денот.
