Професорката Татјана Алексиќ објави статус на социјалните мрежи поврзан со девојчето Фросина Кулакова, која го загуби животот на „Партизанска“ откако беше прегазена од Васил Јованов.
„Духот на Фросина веќе го менува системот… И адвокатите на ѓаволот ќе паднат пред нејзината ангелски чиста енергија!“, објави професорката.
Претходно сестрата на Фросина, Росица Кулакова испрати апел до јавноста да не се споделува видео на кое Васил вришти врз телото на нејзината сестра.
„Добивме дојава дека адвокатот на Васил, Сашо Дукоски на утрешната пресконференција има во план да прикаже видео во кое Васо вришти над мртвото тело на мојата сестра! Познавајќи го неговото минато и адвокатски стил, јасна е целта на Дукоски: да го очовечи убиецот на сестра ми. Да покаже како вришти затоа што му е жал за Фросина, а тој всушност вришти затоа што знае што следи и што го чека него! Вришти затоа што знае што го чека со оглед на неговото криминално минато. Испраќам апел до сите медиуми видеото да не биде објавено, прво од почит кон починатата а потоа и кон семејството како и кон целата јавност што е веќе доволно згрозена од оваа трагедија. Па не ли беше доволно хорор“, објави Росица.
