Mаж од индиската држава Западен Бенгал наводно доживеал голема трагедија, губејќи ја не само својата сопруга, туку и бубрегот во период од само неколку дена.
Според извештаи на медиумите, жената го убедила својот сопруг да го продаде бубрегот за околу 11.000 евра, претставувајќи го тоа како начин да се обезбедат средства за образованието и бракот на нивната ќерка.
Наводно, тој се согласил на понудата и по една година успеал да најде „купувач“ за органот. Верувајќи дека ќе ги извлече од сиромаштијата, мажот се одлучил да го продаде својот бубрег, но не бил свесен за скриените намери на неговата сопруга, која веќе имала друг план за својата иднина.
Како што пренесува Hindustan Times, се тврди дека жената планирала да го напушти мажот и да започне нов живот со љубовник кој го запознала на Фејсбук.
