Таткото на Фросина Кулакова, Тодор Кулаков, со болка во срцето вчера се појави во емисијата „Топ Тема“ на Сител, каде што зборуваше за трагичната несреќа во која неговата ќерка го загуби животот.
Тој ја оспори информацијата дека возачот возел со 130 километри на час, изразувајќи сомнеж за точноста на таквите податоци.
„Велат дека возачот возел со 130 километри на час. Ве лажат во очи! Цела јавност ја лажат. Пежо, знаеме какво количе е, јас сум техничко лице, знам да спојам елементарни работи. Автомобил со мала маса со 130, да летне девојчето, да лета 10 метри во воздух и на столбот од семафорот да се прекрши и таа и столбот? За што зборуваме, си навредуваме ли интелигенција?“, кажа Кулаков во „Топ Тема“.
Според него, вистинската брзина на возилото беше многу поголема и се движела околу 160 или 180 километри на час.
