Игор Иванов, 33-годишен фудбалски судија од Велес, направи исклучително хуман гест, кој ќе им помогне на лицата со попреченост во неговиот град. Оваа година, тој го фати Светиот крст во Велес, а сите собрани средства ги искористи за хуманитарни цели.
Иванов купи специјална справа за вежбање која ја донираше во Меѓуопштинското здружение на лица со телесен инвалидитет „Мобилност“.
„Заедно со моите другари одлучивме да дадеме мала донација за лицата со посебни потреби, справа за вежбање. Таа им е потребна за здрави навики“, вели Иванов.
