Министерството за здравство соопшти дека нова директорка на Универзитетската клиника за респираторни заболувања кај децата Козле е назначена проф. д-р Катерина Бошковска, која веќе повеќе од дваесет години е дел од тимот на оваа институција.
Д-р Бошковска е специјализирана педијатриска пулмологија и има значајно искуство во оваа област. Покрај својата клиничка работа, таа активно учествува во наставно-образовните активности на катедрата за педијатрија при УКИМ и во последните пет години има објавено бројни научни трудови во својата стручна област.
Министерството за здравство се заблагодарува на досегашниот труд и посветеност на поранешната директорка, д-р Каролина Симоновска, која остави голем трајно забележан печат на оваа важна институција.
