Денес се навршуваат пет дена од исчезнувањето на Миле Тодоров (28) од Неготино, а потрагата по него продолжува со зголемена интензивност.
Вклучен е и хеликоптер, кој од воздух помага во пребарувањето, а утрово беше извршена темелна потрага во водите на реката Луда Мара, каде што беше пронајден мобилниот телефон на исчезнатиот.
Семејството на Тодоров за „Фокус“ изјави дека потрагата станува сѐ посериозна и дека во неа се вклучени голем број стручни тимови и доброволци.
Утрово беше проверено речното корито на реката, почнувајќи од Марена и следејќи го текот до Сопот. Семејството се наоѓа дека Миле ќе биде пронајден здрав и жив.
