Возачот Васил Јованов, кој ја прегази Фросина Кулакова, го набавил телефонот од притвореник во затворот Шутка, објави „Скопје1“.
Според информации од затворските извори, телефонот бил пренесен од една ќелија во друга, скриен во затворена опаковка со колачи. Цена за оваа услуга изнесувала 250 евра, но бидејќи Јованов не ги имал потребните пари, сумата била платена преку роднина на затвореникот, од страна на лице поврзано со Јованов.
Како што дознава „Скопје1“, Јованов користел телефонот за да контактира со својата девојка, како и со родителите. Тој разменил повеќе пораки и извршил неколку телефонски повици.
Извор: „Скопје1“
