Фросина Кулакова беше прегазена од страна на Васил Јованов, кој возел со брзина поголема од 120 километри на час, немал возачка дозвола, бил под дејство на алкохол и поминал на црвено светло.
Васил Јованов не бил обично момче, туку ѝ бил познат на полицијата поради други кривични дела, а јавноста за неговото последно дело бара доживотна казна затоа што ѝ го одзема животот на младата Фросина.
„Фокус“ пишува дека „Осум години затвор е највисоката изречена казна во земјава за сообраќајка со смртни последици“, а во нивниот текст ТУКА може да прочитате зошто е така.
„Според анализите на казнената политика на Апелациониот суд Скопје, податоците кои доаѓаат се дека за овие кривични дела, за сообраќајки со смртни последици, најголемиот број изречени казни затвор биле во траење од две до пет години. Висината на изречените казни зависела од утврдената фактичката состојба и олеснителни и отежителни околности“, пишува „Фокус“.
