Снежните падини на Попова Шапка ќе бидат центар на возбудливи натпревари со одржувањето на Државното првенство во сноуборд и престижниот ФИС Сноуборд Куп 2025.
Овој голем спортски настан ќе се одржи на 4 и 5 февруари, а покрај домашните натпреварувачи, своето учество го потврдија и врвни сноубордери од Србија, Турција, Грција и Романија.
Организацијата е во рацете на Скијачката федерација на Македонија, во соработка со Меѓународната скијачка федерација (FIS), ски-центарот Попова Шапка и ски-клубот XMKD, а значајна поддршка обезбедуваат Министерството за спорт и УНИБанка.
