Додека траеше протестот поради трагичната смрт на 22-годишната Фросина Кулакова, која беше прегазена на булеварот „Партизански Одреди“, во Скопје се случи уште една сообраќајна несреќа во која настрада пешак.
Според информациите од полицијата, во 13:54 часот во СВР Скопје било пријавено дека на булеварот „Кузман Јосифоски-Питу“ автомобил од марката „Ситроен“ удрил во маж и потоа го напуштил местото на несреќата без да укаже помош.
„Повредениот пешак е пренесен во Комплексот клиники ‘Мајка Тереза’ за укажување на лекарска помош. Полициски службеници од СВР Скопје преземаат мерки за пронаоѓање на сторителот и расчистување на настанот“, соопштија од МВР.
