Денес, во Неготино беше погребана младата Фросина Кулакова, која трагично го загуби животот откако беше прегазена на булеварот „Партизански одреди“ во Скопје. Голем број роднини, пријатели и сограѓани се собраа за да ѝ оддадат последна почит и да изразат сочувство до нејзиното семејство.
Таткото на Фросина, Тодор Кулаков, видно потресен, со солзи во очите изјави дека загубата е ненадоместлива и дека неговата ќерка била светлина во нивниот живот.
„Тоа во што сме сигурни е дека не еден е коренот на сите проблеми, арно ама вака поставено правосудство, каде што неказнивоста е примарно нешто, кое потоа се одразува на сите сфери во животот. Дали е тоа сообраќај, економија, не знам, било што. Имаме ли неказнивост, се соочуваме со тотален распад во општеството. Тој, таков каков што е, лузер по сите редови и мерила, влезен во таков филм, го убива девојчето кое е бисер од дете, врвен дизајнер, четврта година со веќе самостојни изложби, со пофалби, со награди… и му оставаш од таа неказнивост, наместо да е во притвор заради таквиот пристап, он е слободен и ја убива. Што повеќе да кажам. Нема што повеќе“, вели таткото на Фросина.
