Најавениот бојкот на продавниците од страна на граѓаните, кој е планиран за утре, очигледно предизвика реакција кај трговците. Големите синџири на маркети денеска најавија специјални акции и значителни попусти на различни производи.
Меѓу првите што реагираа е маркетот „Веро“, кој преку Вибер пораки испрати леток до своите корисници, најавувајќи намалување на цените на одредени производи, некои од нив и до 50%.
Бојкотот, кој се организира преку социјалните мрежи, има за цел да испрати јасна порака за незадоволството на граѓаните од високите цени.
