Фондот за пензиско и инвалидско осигурување во 2023 година склучил договори за ангажирање на лица кои примале плата, но постојат сомнежи дека некои од нив не ги извршувале работните обврски.
Според наодите на ревизорите, повеќе од 200 лица биле платени преку Фондот, но не е утврдено дали редовно се појавувале на своите работни позиции.
Во текот на 2023 година, биле ангажирани вкупно 206 лица со договор на дело, со времетраење од два до дванаесет месеци. Според информациите од Фондот, овие договори биле склучени со одобрение од Министерството за финансии, врз основа на член 9 од Законот за трансформација на работниот однос, кој овозможува институциите да ангажираат лица над дозволениот еден процент од вкупниот број вработени, доколку за тоа е добиена соодветна согласност од надлежните органи.
