„Инфомакс“ објави дека познатиот македонски актер Сашко Коцев вчера предизвикал инцидент, односно со неговиот автомобил прегазил полицаец за време на вршење на службена должност.
Актерот го прекина молкот по обвинувањата и демантираше дека го удрил полицаецот со своето возило.
„Не ги видов дека биле полицајци. Беа во цивилка, не знаев дека се полициска придружба. Не беа униформирани. Јас ги прашав кои сте вие да блокирате пат и си продолжив со возилото, а тој ми одговори „сега ќе видиш ој сум“. Јас брзав, детето ми плачеше позади. Но, не го удрив, тој се поттргна“, кажа Коцев за „Слободен печат“.
Во билтенот на МВР се вели дека вчера околу 19.15 част во Скопје, на подрачјето на Центар, С.К., управувајќи возило „фолксваген“ не застанал на знак за запирање даден од полициски службеник кој извршувал службени дејствија, агресивно се однесувал, по што со возилото го удрил полицискиот службеник и го напуштил местото.
