Градоначалникот на Општина Центар, Горан Герасимовски, апелираше до администрацијата на Град Скопје и до градоначалничката Данела Арсовска да преземат мерки за чистење на сметот од улиците во општината, кои се под надлежност на Градот.
„Еве вака изгледа работата на Градот Скопје и градоначалничката Данела Арсовска! Центар во ѓубре! Срамота!
Барам веднаш градот Скопје и Арсовска да ги исполнат своите основни работни обврски и да го исчистат ѓубрето од улиците на Центар под чија надлежност е градот. Недозволиво е центарот на Скопје да изгледа вака, јавните површини под чија надлежност се они се акумулирани со ѓубре коешто не само што го загрозува здравјето на граѓаните, туку ја нарушува и животната средина. Во Крњево втора недела не се собира ѓубрето.
Градската администрација веднаш да се фати за работа и да ги исчистат улиците во Центар за која самата е надлежна“, објави Герасимовски.
