Австралиските медиуми известуваат дека легендарниот српски тенисер Новак Ѓоковиќ ќе добие статуа во Мелбурн, на локацијата каде што се одржува престижниот Австралијан опен.
Оваа иницијатива ја потврди директорот на првиот Грен слем-турнир во сезоната, Крег Тајли, истакнувајќи дека Ѓоковиќ со своите 10 титули на овој турнир го заслужил ова признание.
„Новак е рекордер со 10 титули на Австралијан опен и еден од најголемите шампиони во историјата на тенисот. Заслужува да биде овековечен тука во Мелбурн,“ изјави Тајли.
Иницијативата за подигнување на статуа на Ѓоковиќ предизвика поделени реакции меѓу тениските навивачи. Дел од нив сметаат дека ваквите почести треба да бидат резервирани исклучиво за австралиски тенисери, кои придонеле за националната спортска историја. Од друга страна, многу фанови истакнуваат дека Ѓоковиќ го заслужува ова признание поради неговите извонредни успеси и влијанието врз турнирот и тенисот во целост.
🚨 Breaking : Novak Djokovic will be honoured with a Statue at the Melbourne Park (for his 10 AO titles & the Greatest Australian Open Champion).
— SK (@Djoko_UTD) January 27, 2025
Tennis Australia president Craig Tiles says “No brainer. He deserves it”. pic.twitter.com/lYgPQsxW1t
