Македонската ракометна репрезентација одигра храбар натпревар против Франција, но загуби со 25-32 во последното коло од втората фаза на Светското првенство (СП).
Македонија имаше водство на почетокот од еден гол (4-3), но потоа Франција влезе во серија и поведе со 13-9, по што го доби полувремето со 18-14.
Франција во второто полувреме ја контролираше играта и не ѝ дозволи на Македонија да намали на помалку од четири голови негатива (22-26), а на крајот славеше со 32-25.
Филип Кузмановски со осум погодоци беше најефикасен во редовите на Македонија, додека Марко Митев постигна четири гола.
