Градоначалничката на Град Скопје, Данела Арсовска објави дека инспектори на градот биле претепани со метални шипки на улица „Скупи“.
„Добар ден Министерство за внатрешни работи, би сакале да Ве информираме дека лицата кои пред извесно време им нанесоа тешки телесни повреди на инспекторите од град Скопје поради кои нашите вработени завршија во Ургентен центар, лицата кои извршија насилие со физички напад со метални шипки бидејќи беа фатени за креирање депонија и нејзино палење на улица Скупи, сè уште се на слобода“, објави Арсовска.
Арсовска обвинува дека истата банда повеќе пати била затекната во вршење на дела со кои ја загрозуваат животната средина и здравјето на граѓаните.
