Ракометарите на Македонија одиграа одличен натпревар против Катар и победија со 39-34 во вториот натпревар од втората фаза на Светското првенство (СП).
Катар имаше водство само на стартот од 1-0, по што Македонија ја презема контролата и поведе со 3-1. Избраниците на Веселин Вујовиќ успеаја неколку пати да израмнат, меѓутоа македонските ракометари на полувреме заминаа со 21-17.
Момците на Кире Лазаров во второто полувреме го одржуваа водството, иако Катар се обидуваше да ја врати неизвесноста во натпреварот.
Македонија последниот меч на СП го игра против Франција в сабота од 20.30 часот.
