Трамп: Путин ја уништува Русија, имам уште пола ден да ја запрам војната во Украина

Американскиот претседател Доналд Трамп се врати во Овалната соба по повторното преземање на должноста во Белата куќа и од таму порача дека шефот на Кремљ, Владимир Путин, ја „уништува“ Русија со тоа што одбива договор за завршување на војната во Украина.

Радио Слободна Европа пренесува дека Трамп изјавил дека наскоро би можел да разговара со Путин, но не даде точен временски рамки за тоа.

„Тој треба да постигне договор. Мислам дека ја уништува Русија со тоа што не се согласува на договор. Мислам дека Русија ќе се соочи со големи проблеми“, изјави Трамп пред новинарите собрани во Овалната соба.

Трамп додаде дека „многумина мислеа дека војната ќе заврши за една недела“, а медиумот наведува дека ова е најголемата јавна критика што се врати во Белата куќа ја упатил кон војната што Путин ја започна во Украина.

„Мислам дека нему (Путин) би му одговарало многу да го заврши тој конфликт“, рече Трамп.

Кога новинарите во Овалната соба го прашаа дали ќе ја заврши војната во Украина уште првиот ден од претседателскиот мандат, како што ветуваше на предизборните митинзи, Трамп одговори со малку дрзок тон и загатлива насмевка:

„Па, само половина ден помина, имам уште половина ден“, изјави Трамп.