Европското првенство (ЕП) во мешани боречки вештини (ММА) ќе се одржи од 14 до 23 февруари во Белград, Србија, а Македонија гордо ќе ја претставуваат двајца борци – Даниела Алексовска и Марко Трајковски.
Даниела Алексовска ќе се натпреварува во категоријата Strawweight (52,2 кг). Нејзината спортска биографија е навистина импресивна – таа е вицешампионка од минатогодишното Европско првенство и носителка на бронзен медал од Светското првенство во ММА за 2024 година, кое се одржа во Ташкент, Узбекистан.
Во својата група, Алексовска ќе се соочи со четири противнички: две од Украина, една од Франција и една од Израел. Првата борба ја очекува на 21 февруари, каде што ќе се обиде да ја потврди својата репутација како една од најдобрите македонски боречки таленти.
Марко Трајковски, кој ќе настапи по вторпат на Европското првенство, ќе се натпреварува во категоријата Middleweight (83,9 кг). Неговата група е многу конкурентна, со 13 борци од девет различни држави, меѓу кои Романија, Украина, Бугарија, Ирска, Израел, Германија, Србија, Естонија и Италија. Првата борба на Трајковски е закажана за 17 февруари, каде што ќе има можност да ги демонстрира своите вештини и подготвеност на највисоко ниво.
