Трагично заврши животот на 17-годишно момче од скопското село Волково, кое на 16 јануари претрпе струен удар додека се снимаше на вагон на железничката пруга во Кисела Вода. Од Клиничкиот центар ја потврдија веста за неговата смрт.
„И покрај максималните напори на медицинските тимови, за жал, не успеавме да го спасиме животот на 17-годишниот пациент кој беше хоспитализиран со сериозни изгореници и тешки телесни повреди,“ изјавија од Клиниката за анестезија, реанимација и интензивно лекување (КАРИЛ).
Момчето било подложено на мултидисциплинарен третман од тимови на специјалисти, вклучувајќи експерти од пластична и торакална хирургија. Според КАРИЛ, неговата здравствена состојба била исклучително критична, со што, и покрај примената на сите достапни методи и медицински ресурси, немало можност за позитивен исход.
