Валентина Колева од Скопје е самохрана мајка која со огромна љубов и посветеност се грижи за својата 10-годишна ќерка Мила, девојче родено со сложена срцева мана.
Во текот на своето кратко детство, Мила веќе има претрпено неколку операции, а нејзината мајка од самиот почеток е нејзината најголема поддршка, објави „Срце на Дланка“.
Денес, Мила има само една желба – да добие шанса за нормално детство. Таа се надева дека ќе може да замине на операција во Истанбул, која би ѝ овозможила целосно закрепнување. Со детска искреност, Мила ги замолува хуманите граѓани за помош.
„Сакам да ги замолам сите добри луѓе од Македонија да ѝ помогнат на мама да ги собере потребните пари за мојата операција во Турција. Сè што сакам е да можам да трчам заедно со другарчињата на часовите по физичко, а не да седам на столче и да ги гледам од страна. Сакам да пливам, да скијам на снег и, најмногу од сè, сакам еден ден да станам позната одбојкарка“, вели малата Мила.
Повеќе за случајот може да се прочита на „Срце на Дланка“ (ТУКА). Контакт: Валентина Колева – 078371960
Видео: Срце на Дланка
