Од полноќ, популарната социјална мрежа ТикТок во САД се соочува со потенцијално гасење, откако Врховниот суд во Вашингтон го потврди Законот за заштита на „националната безбедност“.
Оваа одлука го условува продолжувањето на работата на апликацијата со нејзина продажба на одобрен американски купувач, што кинеската матична компанија „БајтДенс“ категорично го одбива.
Во својата реакција, поранешниот претседател Доналд Трамп, кој најави враќање на претседателската функција во понеделник, изрази подготвеност да се заложи за спасување на ТикТок.
Тој го повика судот да го продолжи рокот, давајќи време за наоѓање на „политичко решение“ кое би било прифатливо за сите страни.
