Македонската ракометна репрезентација се наоѓа пред клучен предизвик во првата фаза на Светското првенство, каде што ќе се соочи со селекцијата на Гвинеја. Овој натпревар е од исклучително значење за македонскиот тим, кој е решен да го обезбеди својот пласман во следната фаза од турнирот.
Селекторот Кире Лазаров истакна дека тимот е максимално фокусиран и свесен за тоа колку е важен овој натпревар.
„Натпреварот со Гвинеја ни е од круцијално значење. Мораме да се мобилизираме и да го добиеме натпреварот. Нема да калкулираме воопшто, победата ни е потребна за пласман во втор круг. Можеби сме фаворити на хартија, но со оглед дека имавме две тешки и исцрпувачки дуели, очекувам тежок натпревар“, кажа Лазаров.
Дуелот меѓу Македонија и Гвинеја се игра в недела од 18 часот.
