Регулаторната комисија за енергетика, водни услуги и услуги за управување донесе нова одлука со која се врши зголемување на малопродажните цени на одредени нафтени деривати. Според соопштението, просечното зголемување изнесува 1,01% во однос на претходната одлука донесена на 13 јануари 2025 година.
Цената на ЕУРОДИЗЕЛ (Д-Е V) ќе биде повисока за 2,00 денари по литар, додека цената на мазутот М-1 НС ќе се зголеми за 1,051 денар по килограм, достигнувајќи нова вредност од 46,336 денари по килограм.
Од друга страна, цените на бензините ЕУРОСУПЕР БС-95 и ЕУРОСУПЕР БС-98, како и на екстра лесното масло за домаќинство (ЕЛ-1), остануваат непроменети.
Овие корекции се дел од редовната политика на прилагодување на цените согласно движењата на светските берзи, курсот на денарот и другите релевантни фактори кои влијаат врз цените на нафтените деривати.
Од 17.1.2025 година од 00:01 часот максималните цени на нафтените деривати ќе изнесуваат:
Моторен бензин ЕУРОСУПЕР БС – 95 79,50 (денари/литар)
Моторен бензин ЕУРОСУПЕР БС – 98 81,50 (денари/литар)
Дизел гориво ЕУРОДИЗЕЛ БС (Д-Е V) 75,50 (денари/литар)
Масло за горење Екстра лесно 1 (ЕЛ-1) 73,00 (денари/литар)
Мазут М-1 НС 46,336 (денари/килограм)
