Популарната инфлуенсерка Ина Многуфина, позната по својот остар и духовит стил, се осврна на актуелната тема за цените на становите во главниот град.
Со доза на иронија и сарказам, таа истакна дека 3.000 евра за квадратен метар во Скопје е сосема „прифатлива“ цена.
Нејзината објава предизвика бурни реакции на социјалните мрежи, каде што многумина се согласија со нејзината критика, додека други дебатираа за реалните причини за енормното покачување на цените.
„Сеа скап квадратот, не е толку скап ко ќе размислиш што добиваш. Значи пази зимаш стан во град што е прв у свет по загаденост, прв у свет. Е нема море ама имаш река и низ неа често плови ѓубре, не е обична река. Во цената за квадрат добиваш: немање паркинг, немање јавен превоз, немање рамни улици, немање концертна сала, немање луна парк, немање диско, кабрио контејнери и разни други поволности. Така да, 3000 евра квадрат за се ова не е многу, туку вие сте стиснати“, напиша Ина Многуфина.
